免費離線廣東話語音轉文字 Windows 應用程式。用廣東話自然地說話，即時轉換成文字 — 無需連接互聯網，實現私密的本地語音辨識。
Type4All 係一個免費嘅廣東話語音輸入軟件,專為 Windows 設計。撳住一個 hotkey,直接用粵語(或者粵語夾雜英文)講嘢,你講嘅內容就會即時打字入去當前嘅應用程式 — Word、Chrome、WhatsApp Web、Notepad、留言框,任何可以打字嘅地方都用得。
佢專為香港語境而做:識聽香港日常口語、code-switch 嘅英文詞彙,以及本地常用嘅專有名詞。第一次安裝時下載 AI 模型一次之後,所有運算都喺你部電腦本機進行,唔需要 cloud,亦冇月費。
Type4All 係 AI4All 計劃嘅一部分 — 呢個計劃嘅目標,係令普通香港人都用到實用嘅 AI 工具,唔需要識英文或者識技術 jargon 都用得到 AI 嘅好處。
Type4All 內置一個識粵語嘅語音識別(ASR)模型,用 ONNX Runtime 喺你部電腦本機運行。整個流程大致係咁:
1. 你撳住設定咗嘅全域 hotkey(預設係右 Ctrl)。
2. 撳住嘅期間,麥克風會錄音。
3. 鬆手之後,錄音會交畀本地 ASR 模型做轉文字。
4. 識別出嚟嘅文字,會以模擬鍵盤輸入嘅方式打入去當前嘅文字框 — 同你自己打字一模一樣。
幾個關鍵嘅設計選擇:
• Local-first:第一次運行下載大約 3GB 嘅模型,之後所有轉錄都係用你部 CPU 完成,任何音訊都唔會傳去任何伺服器。
• 可離線使用:模型下載完之後,程式唔需要上網都行得。
• 通用相容:輸出係純鍵盤輸入,所以 Type4All 喺任何接受鍵盤輸入嘅應用程式都用得 — 唔需要為個別 app 做特別整合。
• Footprint 細:鍵盤 hook 只會檢查你設定嘅 hotkey,唔會記錄其他按鍵。
因為運算係喺本機進行,實際反應速度會視乎你部機嘅硬件。SSD + 16GB RAM 嘅組合會接近即時識別;舊型號 HDD 嘅機就會明顯慢啲。
兩個原因。
第一,初心。Type4All 出現,係因為 Windows 一直以嚟對粵語語音輸入支援得唔好,而市面上嘅第三方方案大部分都係雲端(私隱顧慮)或者收費。對於只係想用粵語打字、又唔想將自己把聲送去外國雲端、亦唔想畀月費嘅香港用戶嚟講,選擇好少。如果 Type4All 都收費,就違反咗最初想解決呢個 gap 嘅初衷。
第二,可持續性嚟自其他地方。AI4All YouTube channel(https://www.youtube.com/@AI4All-edu)免費分享粵語 AI 教學,亦正考慮推出選擇性付費內容 — 例如俾想深入學嘅人嘅進階課程、或者社群導向嘅頻道會員。呢啲選擇性嘅收入,就係令 Type4All 等免費工具同免費教學內容可以持續做落去嘅基礎。
簡單嚟講:免費就係產品本身,唔係 teaser。Type4All 本身冇打算推出付費版,冇升級彈窗,亦唔會收集 telemetry 嚟做其他用途嘅變現。
有，Type4All 是一款免費的粵語語音輸入軟件，專為 Windows 而設。按一下熱鍵，以粵語自然說話，識別出來的文字便會直接輸入到你當前使用的應用程式內。首次下載 AI 模型後，全程離線運作 — 無需訂閱、沒有使用限制。
有，就是 Type4All。它將 AI 語音模型完全於你的電腦本地運行，你的聲音絕不會離開你的裝置。首次安裝時下載 AI 模型後，往後使用語音輸入便毋需連接網絡。沒有雲端上傳、沒有 telemetry。
可以。Type4All 適用於任何接受文字輸入的 Windows 應用程式 — 包括 WhatsApp Desktop、Microsoft Word、Notion、Outlook、瀏覽器，以及大部分通訊或筆記軟件。按下全域熱鍵開始說話，識別出來的粵語文字會自動貼上到你的游標所在位置。毋需為每個應用程式設定整合，亦無需安裝任何插件。
嗰個係 v0.8.6 開始新增嘅首次啟動使用條款／私隱聲明確認畫面。
因為 Type4All 會用到你部電腦嘅麥克風同全域鍵盤 hotkey，我哋希望用戶開始之前清楚知道：
• 麥克風只會喺你撳 hotkey 嘅期間先收音
• 鍵盤 hook 只會檢查你設定嘅 hotkey，唔會記錄其他任何按鍵
• 首次下載 AI 模型後完全離線運作，唔會傳送任何資料
• 軟件以「按現狀」提供，冇任何保證
撳「同意並繼續」之後，程式會記住你嘅選擇，以後啟動都唔會再出現呢個畫面。
詳情可以睇：
• Privacy Notice Section 5A — https://4all.dev/zh-Hant/privacy
• Terms of Service「Downloadable Software Applications」部分 — https://4all.dev/zh-Hant/terms
• DISCLAIMER.txt — 隨軟件安裝，喺解壓後嘅 Type4All 資料夾內
這個警告代表 Windows 嘅麥克風權限未開啟。可以嘗試按以下步驟開啟。
最快方法：
撳 Win + R，輸入 ms-settings:privacy-microphone 然後 Enter — 直接跳去麥克風權限頁。
或者手動：開始 → 設定 → 私隱與安全性 → 麥克風
確認以下三個開關全部打開：
1. 麥克風存取 (Microphone access)
2. 允許應用程式存取你的麥克風 (Let apps access your microphone)
3. 允許桌面應用程式存取你的麥克風 (Let desktop apps access your microphone) ← 最常被遺漏
第三個開關要特別留意 — 因為 Type4All 係桌面程式，同 Microsoft Store 下載嘅 app 分開管理。
之後：關閉程式，再重新開啟。
首次啟動需要加載一個接近 3GB 嘅 AI 語音模型，正常情況下時間參考：
• SSD + 16 GB RAM（建議）：首次 10–30 秒 / 往後 5–15 秒
• SSD + 8 GB RAM：首次 30 秒–1 分鐘 / 往後 10–30 秒
• HDD（傳統硬碟）：首次 3–15 分鐘 / 往後 1–5 分鐘
如果你等咗超過 2 分鐘仍然未 ready，最可能係：
• 你嘅電腦使用緊傳統 HDD 硬碟（唔係 SSD）
• 或者可用 RAM 不足（模型加載時需要約 3GB 連續記憶體空間）
抱歉，AI 模型對硬件有一定要求，例如 SSD 先可以順暢運作。
原因：Type4All 會喺你電腦 local 運行一個 AI 語言模型，對記憶體同 CPU 要求較高。
解決步驟（順序試）：
1. 關閉 Type4All → 重新開機 → 只開 Type4All，等 1–2 分鐘 cold start
2. 開 Task Manager 睇「可用記憶體」，建議保持 4GB 以上 free
3. 確認已下載最新版本（v0.9.1 或以上）
如果以上都唔得，睇下面 Q6 點樣畀個除錯記錄我哋分析。
同 Q4 同源 —— 多數係 AI 模型運行期間 RAM 不足，模型運行程序被系統關閉。
建議：關閉其他大型應用（Chrome 多 tab、遊戲、影片剪接軟件等）再試。
如果仍然重現，睇下面 Q6 export 個除錯記錄畀我哋。
v0.7.8 新增咗「除錯記錄」功能，方便你自己睇或者畀我哋 debug。
點樣開？
1. 右鍵㩒浮動麥克風面板 → 揀【顯示除錯記錄】
2. 彈出嘅小窗口會即時顯示：系統資料（CPU、RAM、Python / ONNX 版本）、每次講嘢嘅辨識時間、錯誤訊息
重要：絕對唔會記錄你講嘅內容，只記錄 metadata（時間、長度、錯誤訊息），可以安心 share。
遇到問題？
㩒【儲存】export 個 .log 檔 → Email 去 [email protected]，我哋幫你睇睇。
━━━━━━━━━━━━━━━━━━━━━━━━━━
💡 温馨提示
Type4All 嘅 AI 模型係喺你部機本地運行（真正離線、保障私隱），
所以實際表現會視乎你嘅硬件同 Windows 系統設定。
部分機種可能會出現兼容性問題，
某啲 hybrid architecture CPU（尤其係 P-core + E-core 三層 hybrid 架構設計），
未必每一部電腦都順暢行到，敬請見諒 🙏
━━━━━━━━━━━━━━━━━━━━━━━━━━
• OS: Windows 10 / 11（64-bit）
• RAM: 最少 16GB，建議 32GB（閒置時需有 8GB 以上 free）
• CPU: 近 5 年內任何 Intel / AMD 主流 CPU（太舊嘅 Atom / Celeron 唔建議）
• 硬碟: 5.5 GB 以上可用空間
• 網絡: 只需初次下載模型，之後完全離線使用
唔係病毒，請放心 — 呢個係 Windows SmartScreen 同部份防毒軟件針對「未簽名」程式嘅標準警告。
點解會出現：
• Type4All 係一個獨立開發者嘅免費小型軟件,以 Apache License 2.0 授權發布，暫時未購買 code signing 證書（約 £100–300/年），所以 Windows 未「認識」呢個程式。
• Type4All 用全域鍵盤 hook 嚟偵測你設定嘅 hotkey，呢個技術同部份惡意軟件相似，所以少部份防毒軟件會誤報。
點樣繼續安裝：
1. 喺 SmartScreen 警告視窗，撳「更多資訊 (More info)」 → 「仍要執行 (Run anyway)」
2. 如果 Defender 已經將檔案隔離，可以喺「病毒及威脅防護 → 威脅記錄 → 允許 (Allow)」將 Type4All.exe 加入白名單
點解可以信任：
• 首次下載 AI 模型之後，程式完全離線運作，唔會傳送任何資料、crash report、analytics 或者 telemetry
• 全域鍵盤 hook 只會檢查你設定嘅 hotkey，唔會記錄其他任何按鍵
• 詳情可以睇 Privacy Notice Section 5A（https://4all.dev/zh-Hant/privacy）同埋隨軟件安裝嘅 DISCLAIMER.txt 檔
最常見原因是 Right Ctrl 已被其他程式搶先佔用，導致 Type4All 無法成功註冊為全域熱鍵。常見的佔用來源包括：
• 中文輸入法：搜狗、微軟新注音、百度輸入法等可能將 Right Ctrl 設為輸入法切換鍵。
• 熱鍵管理軟件：AutoHotkey、PowerToys、Logitech Options、Razer Synapse 等工具可能會將 Right Ctrl 註冊為全域熱鍵。
此外，Windows 對於「純修飾鍵」作為全域熱鍵的支援本身有其限制——修飾鍵（Ctrl、Alt、Shift）原本的設計用途是與其他按鍵組合使用，單獨註冊時容易與系統、輸入法或其他軟件產生衝突。
如快捷鍵暫時無法使用，可以用滑鼠點擊 Type4All 視窗上的錄音按鈕啟動錄音作為替代方式。
我們正考慮在下一版本加入組合鍵支援（例如 Ctrl + Alt），從而降低衝突機率。